kalyan-Dombivli Rain: कल्याण-डोंबिवलीसह 'या' जिल्ह्यांतील शाळांना सुट्टी जाहीर; मुसळधार पावसामुळे प्रशासनाचा निर्णय!

मुंबई: मुसळधार पावसामुळे (Heavy Rain) अनेक सखल भागात पाणी साचलं आहे. वाहतुकीवर देखील या पावसामुळे परिणाम झालांय. दरम्यान नागरिकांना मोठा समस्यांना सामोरे जावं लागत आहे. कल्याण-डोंबिवलीमध्येही पहाटेपासून मुसळधार पाऊस सुरु आहे. त्यामुळे रस्त्यांना नद्यांचं स्वरुप प्राप्त झालं आहे. त्याच पार्श्वभूमीवर जिल्हा प्रशासनाकडून खबरदारी म्हणून कल्याण-डोंबिवलीतील (Kalyan-Dombivli Rain) शाळांना सुट्टी जाहीर करण्यात आली आहे.त्याचबरोबर पालघर,ठाणे,रायगड आणि पुणे येथील देखील शाळांना सुट्टी देण्यात आली आहे. मुसळधार पावसाने रेल्वेसेवा देखील विस्कळीत झाली आहे.