दारू ढोसली, टीप्पर मातीनं भरला, समुद्रामध्ये दामटवला डंपर; मद्यधुंद चालकाचा VIDEO व्हायरल

रत्नागिरी: समुद्राच्या पाण्यातून मद्यधुंद अवस्थेत भरधाव वेगाने डंपरची वाहतूक केल्याप्रकरणी रत्नागिरी जिल्हयातील दापोलीमध्ये एका डंपरचालकावर कारवाई करण्यात आली आहे. दापोलीतील हर्णे बंदरात जेटीचे काम सुरू आहे. जेटीच्या कामाचे दगड वाहतूक करणारा हा डंपर समुद्राच्या पाण्यातून जाताना समुद्रातील एका दगडावर आदळून अपघातग्रस्त झाला. या कामासाठी हर्णे बायपास येथून डबर, सिमेंटचे ट्रायपॉड यांची वाहतूक केली जात आहे. समुद्राला भरती असतानाच सामानाची वाहतूक करणारा डंपर भरतीच्या पाण्यातूनच धावत होता. या डंपरवरील चालक मद्यधुंद अवस्थेत असल्याने त्याने समुद्राच्या पाण्यातून डंपर वेगाने नेला. हा डंपर चालकाचा व्हिडीओ सध्या व्हायरल होत आहे.