Mumbai Rain News: लोकल प्रवाशांसाठी दिलासा देणारी बातमी, लोकल ट्रेनची विस्कळीत झालेली सेवा सुरळीत

मुंबईत मुसळधार पावसाने लावलेल्या हजेरीमुळे जनजीवन विस्कळीत झाले आहे. मध्यरात्री पासून कोसळणाऱ्या पावसामुळे लोकल सेवा खोळंबली होती, त्याचबरोबर मुसळधार पावसाचा तडाखा हा विमान सेवा आणि वाहतुकीवर देखील पाहायला मिळत होता. लोकल सेवा विस्कळीत झाल्यामुळे प्रवाशांची तारांबळ उडाली होती. परंतु आता लोकल प्रवाशांना दिलासा देणारी बातमी समोर येत आहे. लोकल ट्रेनची वाहतूक आता सुरळीत झाली आहे. कामावरुन घरी जाणाऱ्या मुंबईतील कर्मचाऱ्यांसाठी ही आनंदाची बातमी आहे. मध्य रेल्वे, पश्चिम रेल्वे आणि हार्बर मार्गावरील वाहतूक ही सुरळीत झाली आहे.