Maharashtra Politics: जागावाटपात शिंदेंची तडजोड नाही? सर्व्हेविरोधात एल्गार? दिल्लीवारीतून जागांचा तिढा सुटणार?

महायुतीची दिल्लीत बैठक होतेय. या बैठकीत फॉर्म्युलावर शिक्कामोर्तब होईल अशी शक्यता आहे. महायुतीने आत्तापर्यंत 182 जागा जाहीर केल्या तरी दिल्लीत बैठक का असा सवाल उपस्थित केला जातोय. लोकसभेप्रमाणेच यावेळीही भाजपचा अधिक जागांचा अट्टाहास आहे. तर दुसरीकडे लोकसभेचा स्ट्राईक रेट, मुख्यमंत्री शिंदेंची वाढलेली लोकप्रियता यामुळे शिवसेनेला अधिक जागा मिळाव्या अशी शिवसेनेची मागणी आहे. अखेरच्या तीस जागांसाठी महायुतीची अजूनही रस्सीखेच सुरूए.

सर्व्हेविरोधात शिंदेंचा एलगार?

• जागावाटपात तडजोड न करण्याची शिंदेंची भूमिका

• स्ट्राईक रेट,सर्व्हेचं कारण यंदा शिंदेंना अमान्य

• भाजपच्या काही उमेदवारांबाबत शिंदेंसेना नाराज

• अपेक्षेपेक्षा कमी जागा मिळत असल्यानं तिढा कायम

लोकसभेला शिंदे गटाला सर्व्हेचे कारण देत भाजपनं जास्त जागा लढवल्या तर काही जागांचे उमेदवार बदलले होते.यावेळी शिंदेंनी काहीशी मवाळ भूमिका घेतली होती. गेल्या अडीच वर्षातील मुख्यमंत्र्यांची प्रतिमा, त्यांनी केलेलं काम, सामान्य नागरिकांपर्यंत पोहचण्याची ताकद यावरून विधानसभेला शिवसेनेला जास्त जागा जिंकून येण्याचा विश्वास आहे..त्यामुळे शिंदेंनी तडजोडीला नकार दिल्याचं कळतंय..त्यामुळे भाजप पक्षश्रेष्ठी यावर काय तोडगा काढणार हेच पाहायचं.