Dharashiv Flood: धाराशिवमध्ये पूल वाहून गेल्याने नागरिकांचा JCB मधून प्रवास, पाहा VIDEO

धाराशिवला मुसळाधार पावसाने झोडपून काढले. या पावसामुळे जिल्ह्यातील अनेक नदी-नाल्यांना पूर आला आहे. परंडा तालुक्यातील विश्वरुपा नदीला आलेल्या पुरामध्ये पूल वाहून गेला. बार्शीकडे जाणाऱ्या रस्त्यावरील पर्यायी पूल वाहून गेल्याने बार्शी गावाचा संपर्क तुटला आहे. यामुळे दूध उत्पादक शेतकऱ्यांना तारेवरची कसरत करावी लागत आहे. जेसीबी मशीनवर बसून दूध उत्पादकांना डेअरीपर्यंतचा प्रवास करावा लागत आहे. प्रशासनाने तात्काळ याची दखल घेऊन रस्त्याची सोय करावी अशी मागणी ग्रामस्थांनी केली.

धाराशिव जिल्ह्यातल्या परांडा तालुक्यातील भांडगाव येथे विश्वरूपा नदीला मुसळधार पावसामुळे पूर आला आहे. या नदीवरील पूल पुराच्या पाण्यात वाहून गेला. पूल वाहून गेल्यामुळे अनेक गावांचा संपर्क तुटला आहे. त्यामुळे गावकऱ्यांसोबत दूध उत्पादक शेतकऱ्यांना नदी पलिकडे जाण्यासाठी आता जेसीबीचा वापर करावा लागत आहे. पूर आल्यामुळे या नदीचा पाण्याचा प्रवाह प्रचंड वाढला आहे. असे असताना देखील दूध उत्पादक शेतकरी जीव धोक्यात घालून डेअरीपर्यंत दूध पोहचवत आहेत.