Video: धनगर समाजाचा पुन्हा एकदा एल्गार

महाराष्ट्रात धनगर समाजाकडून पुन्हा एकदा एल्गार पुकारण्यात आलाय. धनगर आरक्षणाच्या मागणीसाठी धनगर बांधव राज्यस्तरीय आमरण उपोषण करणार आहेत. सकल धनगर जमातीच्या वतीने 9 सप्टेंबर पासून पंढरपूर मध्ये आमरण उपोषणाला बसणारे. सकल धनगर समाज या बॅनरखाली 'ना नेता ना पक्ष; धनगर आरक्षण एकच लक्ष' असा नारा देत सामुहिक नेतृत्वात हे उपोषण करणार. 1 सप्टेंबर रोजी जेजुरी येथून मल्हारी मार्तंड खंडेराया जेजुरी येथे भंडारा उधळून पंढरपूरच्या दिशेने धनगर बांधव मोठ्या संख्येने येणारे. पंढरपुरातील छत्रपती शिवाजी महाराज चौकामध्ये सकल धनगर समाजाच्या वतीने प्राणांतिक उपोषणाची सुरुवात केली जाणार आहे. राज्यातील सहाही पक्षांनी धनगर आरक्षणाच्या बाबतीत कोणतीही भूमिका घेतलेली नाही. त्यामुळे आता राज्यातील सर्व धनगर समाजाचे कार्यकर्ते, नेते आमरण उपोषण करणारे.