Dahanu News : आदिवासींची नैसर्गिक संपत्ती कुणालाही देणार नाही, हा देवाभाऊचा शब्द; फडणवीसांनी सभा गाजवली

आम्ही भगवान बिरसा मुंडांना मानणारे आहोत. १५ नोव्हेंबर रोजी भगवान बिरसा मुंडांची जयंती आहे. संपूर्ण भारतात ही १५० वी जयंती एक वर्षापर्यंत साजरी करण्यात येईल असं पंतप्रधान नरेंद्र मोदी यांनी सांगितलंय. भगवान बिरसा मुंडा यांची प्रेरणा घेऊन डहाणू, पालघरच्या आदिवासींचे जल, जंगल आणि जमीन कुणालाही घेऊ देणार नाही, असं उपमुख्यमंत्री देवेंद्र फडणवीस यांनी आज डहाणू येथील सभेत बोलताना म्हंटलं आहे.

पुढे बोलताना फडणवीस म्हणाले की, वाढवणच्या बंदरामुळे डहाणू भागाचे चित्र बदलेल. मासेमारी करणारे कोळी बांधवांवर कोणताही अन्याय होणार नाही. पण आहे त्यापेक्षा चांगली अवस्था आम्ही तुम्हाला आणून देऊ. हा देवाभाऊचा शब्द आहे. तुमच्या पारंपारिक व्यवसायाला नवी उंची कशी मिळेल. याची योजना आम्ही आखली आहे. त्यामुळे पुढील काळात कोळी बांधव समृद्ध झालेले पहायला मिळतील, असा दावा देवेंद्र फडणवीस यांनी केला. तसंच अनेकांनी वाढवण बंदराला विरोध केला होता, असे म्हणत फडणवीसांनी विरोधकांवर निशाणा साधला.

Edited By Rakhi Rajput