Devendra Fadanvis : फडणवीसांनी स्पष्ट केली मलिकांबाबत भाजपची भूमिका; म्हणाले, 'आम्ही त्यांना ..' | VIDEO

शिवाजीनगर मानखुर्द विधानसभा मतदारसंघात भाजप नवाब मलिक यांचा प्रचार करणार नसल्याचं देवेंद्र फडणवीस यांनी स्पष्ट केलं आहे. नवाब मलिक यांच्या विरोधात उभे असलेले महायुतीतून शिवसेना शिंदे गटाचे उमेदवार असून त्यांचाच आम्ही प्रचार करू असंही देवेंद्र फडणवीस यांनी म्हंटलं आहे. त्यामुळे मानखुर्दमध्ये आता महायुतीचेच उमेदवार आमनेसामने आल्याचं विधानसभा निवडणुकीत पाहायला मिळणार आहे. 'आम्ही नवाब मलिक यांचा प्रचार करणार नाही, याबद्दल आम्ही अधिकृत घोषणा देखील केली आहे. मानखुर्दमध्ये महायुतीने शिंदे गटाचा उमेदवार दिला आहे. आम्ही त्याचा प्रचार करू.' असं देवेंद्र फडणवीस यांनी म्हंटलं आहे.

दरम्यान, फडणवीसांच्या या वक्तव्यावर नवाब मलिक यांनी देखील आता उत्तर दिलं आहे. 'फडणवीस यांनी प्रचाराला यावं किंवा पाठिंबा द्यावा असा आग्रह नाही, त्यांचा विरोध राहणार आहेच.' असंही मलिक यांनी म्हंटलं आहे. त्यामुळे आता मानखुर्दमध्ये सरळ महायुतीतच लढत रंगणार आहे.

Edited By Rakhi Rajput