Saam Impact: लाडकी बहीण योजनेच्या नोंदणीसाठी पैशांची मागणी; मुख्यमंत्र्यांचे कारवाईचे आदेश!

लाडकी बहीण योजनेच्या (Ladki Bahin Yojana) नोंदणीसाठी जे अधिकारी पैसे घेत असतील त्यांचं फक्त निलंबन नाही तर,संबंधित अधिकाऱ्यांना घरी बसवू असा सज्जड दम मुख्यमंत्र्यांनी दिला आहे. राज्यभरात विविध ठिकाणी लाडकी बहीण योजनेच्या नोंदणीसाठी महिलांनी सेतू केंद्रावर गर्दी केलीये.दरम्यान काही ठिकाणी या योजनेच्या नोंदणीसाठी काही ठिकाणी पैसे घेत असल्याचा आरोप महिला करत आहेत.दरम्यान या गोष्टीची योग्य ती चौकशी होईल आणि ज्या ठिकाणी असे प्रकार होतील तिथे सक्त कारवाईचे आदेश मुख्यमंत्री एकनाथ शिंदेंनी (Eknath Shinde) विधानसभेत दिले आहेत.