VIDEO : महामार्ग की मृत्यूचा सापळा? खराब पॅचमुळे कार थेट हवेत उडाली; थरार पाहा
दिल्ली-बडोदरा एक्स्प्रेस वेवरील एक व्हिडीओ सध्या सोशल मीडियावर जोरदार व्हायरल होत आहे. या व्हिडीओत खराब रस्त्यामुळे एक धावती चक्क हवेत उडाल्याचं दिसून येतंय. सुदैवाने या घटनेत कोणालाही दुखापत झाली नाही. मात्र, हा व्हिडीओ व्हायरल झाल्यानंतर केंद्रीय रस्ते वाहतूक आणि महामार्गाने कारवाईचा बडगा उगारला आहे. या कामाची पाहणी करणाऱ्या अभियंत्याला बडतर्फ करण्यात आलं आहे.
तसेच रस्त्याचे काम करणाऱ्या कंत्राटदाराला तब्बल ५० लाखांचा दंड ठोठावण्यात आला आहे. व्हिडीओत तुम्ही पाहू शकता, की किती भयंकर पद्धतीने ही कार खराब पॅचमुळे हवेत उडाली आहे.दिल्ली-बडोदरा महामार्गावरून ताशी १२० किमी वेगाने वाहने धावतात. मात्र, मागील काही दिवसांपासून हा महामार्ग चांगलाच चर्चेत आला आहे.
या महामार्गावर अनेक लहान मोठ्या अपघाताच्या घटना घडत आहेत. रस्त्याची नादुरुस्तता, द्रुतगती मार्गावरील खड्डे ही अपघाताची प्रमुख कारणे आहेत. तर काही ठिकाणी खराब पॅच मारल्यामुळे देखील महामार्गावर अपघात होत आहेत. या महामार्गाचे काम करणाऱ्या कंत्राटदार आणि अभियंत्यावर तातडीने कारवाई करा, अशी मागणी नागरिकांकडून केली जात आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.