Kharat Case : भोंदू खरातला ३९ आमदार भेटले, माजी मंत्र्यांच्या दाव्यानं राजकीय वर्तुळात खळबळ

Ashok Kharat case 39 MLAs meeting controversy Maharashtra : नाशिकचा भोंदू बाबा अशोक खरात प्रकरणात अखेर माजी मंत्री दीपक केसकर यांनी मौन सोडलं आहे. खरात प्रकरणात माझा संबंध नाही. ३९ आमदार भेटले तरी माझंच नाव का? असा संताप सवाल दीपक केसरकरांनी उपस्थित केलाय. केसरकर यांनी म्हटलं की, “३९ आमदार खरातला भेटले होते, मग फक्त माझंच नाव का घेतलं जातंय?” या वक्तव्यामुळे राजकीय वर्तुळात नवा वाद निर्माण झाला आहे.

अशोक खरात प्रकरणावरून राजकीय वातावरण तापलेलं असतानाच शिंदेसेनेचे नेते दीपक केसरकर यांनी आपली भूमिका स्पष्ट करत संताप व्यक्त केला आहे. “खरातच्या कृत्यात माझा कोणताही सहभाग नाही,” असं ठामपणे सांगत त्यांनी आपलं नाव या प्रकरणात का ओढलं जातंय, असा सवाल उपस्थित केला.

या प्रकरणामुळे सत्ताधारी आणि विरोधकांमध्ये आरोप-प्रत्यारोपांचा कलगीतुरा रंगला असून, नेमकं सत्य काय आहे याकडे सर्वांचं लक्ष लागलं आहे. या वादाला पुढे कोणतं वळण मिळणार? आणि खरात प्रकरणात अजून कोणती मोठी नावं समोर येणार? याकडे सर्वांच्या नजरा खिळल्या आहेत.