Eknath Shinde : एकनाथ शिंदे करणार आभार यात्रा, काय आहे नियोजन? पाहा Video

उपमुख्यमंत्री एकनाथ शिंदे हे २३ जानेवारीपासून महाराष्ट्रात आभार दौरा करणार आहेत. बाळासाहेब ठाकरे यांच्या जयंतीपासून या आभार दौऱ्याची सुरुवात होते आहे. तसंच २३ जानेवारीला मुंबईच्या बीकेसीमध्ये शिवसेनेचा मेळावा देखील होणार आहे. तर कोल्हापूरच्या अंबाबाईचं दर्शन घेऊन आभार यात्रेची सुरुवात होणार आहे.

आगामी स्थानिक स्वराज्य संस्था आणि महापालिका निवडणुका डोळ्यासमोर ठेऊन शिवसेनेची ताकद वाढवण्याचा शिंदेंचा प्रयत्न आहे. कॅबिनेट मंत्री उदय सामंत यांनी ही माहिती दिली आहे. बीकेसी २३ तारखेला होणाऱ्या आभार दौऱ्यानंतर ते आपला आभार दौरा सुरू करणार असल्याचं त्यांनी म्हटलं आहे. या दौऱ्याच्या नियोजनासाठी बैठक देखील घेण्यात आली आहे. दौरा कसा असावा याबाबत या बैठकीत चर्चा झाली असून लवकरच दौऱ्याचं वेळापत्रक जाहीर केलं जाईल असं सामंत यांनी म्हटलं आहे.