Corona Update : देशात पुन्हा कोरोनाचा धोका; 4 दिवसांच्या बाळालाही लागण | VIDEO

देशात पुन्हा एकदा कोरोनाचा प्रादुर्भाव वाढताना दिसत असून यंदा लहान मुलांनाही या विषाणूचा संसर्ग होण्याचं प्रमाण अधिक आहे. राजस्थानमधील जोधपूर शहरात फक्त चार दिवसांच्या बाळाला कोरोनाची लागण झाल्याचं समोर आलं आहे. तर जयपूरमध्ये एका महिन्याच्या मुलीस कोरोनाची बाधा झाली आहे.

जयपूरमध्ये सध्या सर्वाधिक ३६४ सक्रिय कोरोना रुग्ण नोंदवले गेले असून हे शहर हॉटस्पॉट बनू लागलं आहे. वाढत्या संसर्गाच्या पार्श्वभूमीवर आरोग्य यंत्रणांनी सतर्कतेचा इशारा दिला आहे. लहान मुलांमध्येही कोरोना होऊ शकतो, ही बाब चिंतेची असून नागरिकांनी मास्क वापरणं, गर्दी टाळणं आणि हात स्वच्छ ठेवणं यासारखी काळजी घेणं गरजेचं असल्याचं आवाहन प्रशासनाकडून करण्यात येत आहे.