Shirur Breaking News : शिरूरच्या घोडेगंगा साखर कारखान्यात राडा!

शिरुर तालुक्यातील घोडेगंगा साखर कारखान्याच्या ३३ व्या वार्षिक सर्वसाधारण सभेत राडा झाला आहे. शिरुरचे शरद पवार गटाच्या राष्ट्रवादी काँग्रेसचे आमदार अशोक पवारांचे वर्चस्व असलेल्या घोडगंगा साखर कारखान्याच्या सभेत विरोधकांनी अशोक पवारांना घेराव घातला. यावेळी 'अशोक पवार चोर है'च्या विरोधकांनी घोषणा दिल्या आहेत.

शिरूरच्या घोडेगंगा साखर कारखान्यात शुक्रवारी वार्षिक सर्वसाधारण सभेत देखील आता राजकारण पेटलं असून सभेत जोरदार राडा घालण्यात आला आहे. विद्यमान आमदार अशोक पवार हे शरद पवारांचे समर्थक आहेत. यावेळी सभेत आलेल्या संचालक मंडळाला विरोधकांनी घेराव घालण्याचा प्रयत्न केला. तसेच जोरदार घोषणाबाजी देखील यावेळी करण्यात आली आहे. घोडगंगा साखर कारखान्याचे चेअरमन ऋषिकेश पवार हे आमदार अशोक पवारांचे पुत्र आहेत.