Pune Rain: दुष्काळी भागात ढगफुटीसदृश्य पाऊस, भयंकर रौद्रावतार, VIDEO

पुणे: संपूर्ण राज्यात पावसाने थैमान घातले असून पुणे शहरासह जिल्ह्यातील इतर तालुक्यांमध्ये मोठ्या प्रमाणात पावसाने हजेरी लावली आहे. यंदा मान्सून हा लवकर आल्याने दोन दिवसांपासून राज्यात पावसाची जोरदार बॅटींग सुरु आहे.

शिरुर तालुक्यातील पाबळ परिसरात आज दुपारी अचानकपणे ढगफुटी सदृश पावसाने हजेरी लावली. सतत काही तास जोरदार पाऊस कोसळल्याने ओढे आणि नाले दुथडी भरून वाहू लागले आहेत. परिणामी परिसरातील बहुतांश शेती पाण्याखाली गेली असून, शेतजमिनीत नद्यांसारखा प्रवाह निर्माण झाला आहे.

नेहमी दुष्काळाच्या छायेत असलेला पाबळ भाग अचानक जलमय झाल्याने ग्रामस्थ आणि शेतकरी अचंबित झाले आहेत. मात्र या पावसामुळे मोठ्या प्रमाणात शेतीचे नुकसान झाले असून, शेतकऱ्यांची धावपळ सुरू आहे. अनेक ठिकाणी कांदा, भाजीपाला आणि इतर पिके पूर्णपणे पाण्याखाली गेल्याची माहिती आहे.