Video: छत्रपती संभाजीराजे थेट शेतकऱ्यांच्या बांधावर

छत्रपती संभाजी राजे आज नांदेड जिल्याच्या दौऱ्यावर आहेत. नांदेडच्या हदगाव तालुक्यातील अनेक गावांना राजे भेटी देत आहेत. हदगाव तालुक्यातील अनेक गावांना नदी,नाल्यांना आलेल्या पुराचा फटका बसला. पैनगंगा, कयाधु नदीला मोठा पूर आला होता. या नदीच्या पुराचे पाणी शेतीत शिरल्याने शेती पिकांचे प्रचंड नुकसान झाले. आज छत्रपती संभाजी राजे यांनी हदगाव तालुक्यातील उंचाडा, मारलेगाव,करमोडी, यासह अनेक गावांना पैनगंगा आणि कयाधु नदीच्या पुराचा फटका बसला.या नुकसान ग्रस्त भागाची पाहणी करण्यासाठी छत्रपती संभाजी राजे हे हदगाव तालुक्यातील शेतकऱ्यांच्या बांधावर पोहचले आहेत.शेती पिकांच्या नुकसानीची राजे यांनी पाहणी केली.शेतीचे नुकसान पाहून मनाला वेदना झाल्या.शेतकऱ्यांचे प्रचंड नुकसान झालं,अनेकांची घरे या या अतिवृष्टीमुळे पडली आहेत. असं असताना कृषिमंत्री मात्र सांस्कृतिक कार्यक्रमात व्यस्त आहेत. नुकसानग्रस्त शेतकऱ्यांची पाहणी न करता कृषिमंत्री व्यस्त आहेत हे शोभते का कृषी मंत्र्यांना? कृषिमंत्री धनंजय मुंडे यांच्यावर छत्रपती संभाजी राजे यांनी टीका केलीय. शेतकऱ्यांच्या बांधावर या पहा शेतकऱ्यांच्या वेदना. नुकसानग्रस्त भागातील लोकांच्या डोळ्यात अश्रू आहेत.