Chhagan bhujbal News : नाराज छगन भुजबळ बंड करणार की थंड होणार? पाहा स्पेशल रिपोर्ट,VIDEO

महायुतीच्या मंत्रिमंडळातून डावलल्यानंतर अजित पवारांच्या राष्ट्रवादीचे ज्येष्ठ नेते छगन भुजबळ चांगलेच दुखावले होते. नाराज झालेल्या छगन भुजबळांनी आपल्या मनातील खदखदही बोलून दाखवली. तर, दुसरीकडे भुजबळांच्या समर्थकांनी आंदोलन केले. भुजबळांच्या नाराजीची चर्चा सुरू असताना दुसरीकडे त्यांनी मुख्यमंत्री देवेंद्र फडणवीस यांची भेट घेतली होती. त्यामुळे राजकीय चर्चांना उधाण आलं. दरम्यान याबाबत काँग्रेसचे आमदार विजय वडेट्टीवारांनी महायुतीला टोला लगावलाय. तर अतुल सावेंनी सावध प्रतिक्रीया दिलीये.

मंत्रिमंडळात स्थान न मिळाल्यानं छगन भुजबळांनी नाराजी व्यक्त केली होती. त्यानंतर भुजबळांनी मुख्यमंत्री देवेंद्र फडणवीसांची सागर बंगल्यावर भेट घेतली होती. आता भुजबळांनी याबाबत स्वतःच प्रतिक्रीया दिलीये.

“जहाँ नहीं चैना वहा नहीं रहना” म्हणणाऱ्या भुजबळांकडे तसे मोजकेच पर्याय उपलब्ध आहेत. तर दुसरीकडे तुर्तास छगन भुजबळ यांना भाजपमध्ये प्रवेश दिला जाणार नाही अशी माहिती सुत्रांनी दिलीये..महायुतीत वाद नको म्हणून भाजप हायकमांडनं हा निर्णय घेतल्याची माहिती आहे. त्यामुळे भुजबळांचं बंड थंड होणार की भुजबळ काही वेगळा निर्णय घेणार यासाठी आणखी काही दिवस वाट पहावी लागेल.