Chandrabhaga River Water Level : चंद्रभागेच्या पाणीपातळीत मोठी वाढ, आषाढीच्या तोंडावर वारकऱ्यांना धोका | VIDEO

पंढरपूर-उजनी आणि वीर धरणातून मोठ्या प्रमाणात पाण्याचा विर्सग करण्यात आल्यामुळे पंढरपूरातील चंद्रभागा नदीची पाणीपातळी झपाट्याने वाढली आहे. उजनी धरणातून भीमा आणि निरा नदीत ५० हजार क्युसेक, तर वीर धरणातून ३० हजार क्युसेक वेगानं पाणी सोडण्यात येत आहे. या अचानक वाढलेल्या विर्सगामुळे चंद्रभागा वाळवंट परिसर पूर्णपणे जलमय झाला असून, भक्त पुंडलिक मंदिरासह इतर अनेक मंदिरे पाण्याखाली गेली आहेत. आषाढी वारीच्या तोंडावर ही स्थिती निर्माण झाल्यामुळे प्रशासनाची चिंता वाढली आहे.

घाटावर आलेल्या वारकऱ्यांकडून धोकादायक पद्धतीने स्नान केलं जात आहे. पाण्याचा प्रवाह जोरात असल्यामुळे दुर्घटनेची शक्यता लक्षात घेता प्रशासनाने नदीकाठावर रेस्क्यू टीम तैनात केल्या आहेत. प्रवासी आणि भाविकांनी प्रशासनाच्या सूचनांचं काटेकोर पालन करणं आवश्यक असल्याचं आवर्जून सांगण्यात येत आहे, जेणेकरून आषाढी वारी शांततेत पार पडू शकेल.