Chakan News : चाकण MIDC मधला आणखी एक मोठा उद्योग गुजरातला जाणार ?
चाकण MIDC मधून महिंद्रा कंपनी गुजरातला जाणार असल्याची माहिती समोर आली आहे. फेडरेशन ऑफ चाकण इंडस्ट्रीच्या सचिवांनी याबाबत माहिती दिली आहे. चाकण MIDC मधील 50 कंपन्या पायाभूत सुविधा मिळत नाही म्हणून स्थलांतरित झाल्या असल्याचा दावा विरोधकांनी केला आहे.
चाकण MIDC देशातील बहुचर्चित MIDC म्हणून ओळखली जाते. आता कॉंग्रेसचे नेते जयराम रमेश यांनी चाकण MIDC म्हणून 50 कंपन्या पायाभूत सुविधेच्या अभावाने इथून स्थलांतरित झाल्याचा दावा केला आहे. त्यानंतर आता या कंपन्यांमध्ये महिंद्रा कंपनीचा देखील समावेश असून ही कंपनी गुजरातला जाणार असल्याची माहिती मिळाली आहे. त्यानंतर फेडरेशन ऑफ चाकण इंडस्ट्रीचे सचिव बटवाल यांनी जयराम रमेश यांनी केलेल्या दाव्यात तथ्य असल्याचं म्हंटल आहे. चाकण MIDCमध्ये बऱ्याच समस्या आहेत. त्यामुळे काही वर्षात अनेक कंपन्या वेगवेगळ्या राज्यात स्थलांतरित झाल्या आहेत. आता महिंद्रा कंपनीसुद्धा गुजरातला जात असल्याने रोजगाराचा प्रश्न निर्माण होणार आहे. असं सचिव बटवाल यांनी म्हंटलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.