Indian Railway : रेल्वेची आरक्षण यादी ८ तास आधी जाहीर होणार | VIDEO

रेल्वे प्रवाशांसाठी महत्त्वाची बातमी आहे. मध्य रेल्वेने प्रवाशांच्या सोयीसाठी आरक्षण यादीच्या वेळेत मोठा बदल करण्याचा निर्णय घेतला आहे. १० जुलै २०२५ पासून या नव्या नियमांची अंमलबजावणी होणार आहे.नवीन नियमानुसार, ट्रेन सुटण्याच्या ८ तास आधी प्राथमिक आरक्षण यादी प्रसिद्ध केली जाणार आहे. यामुळे प्रवाशांना आपली प्रवास स्थिती आधीच कळू शकेल आणि तयारी करण्यासाठी वेळ मिळेल.

तसेच अंतिम यादी ट्रेन सुटण्याच्या अर्धा तास आधी तयार केली जाणार आहे. याआधी ही यादी साधारणत: ४ तास आधी प्रसिद्ध केली जायची. या निर्णयामुळे तिकीट प्रतीक्षेत असलेल्या प्रवाशांना अधिक निश्चितता मिळणार आहे. या बदलामुळे प्रवाशांचा प्रवास अधिक सुलभ आणि नियोजनबद्ध होणार आहे. तसंच, ऑनलाइन आणि तिकीट काउंटरवर आरक्षण प्रक्रियेत पारदर्शकता आणि वेळेचे व्यवस्थापन अधिक प्रभावीपणे करता येईल.