केंद्र सरकारचा एलपीजी गॅस सिलिंडरवर मोठा निर्णय, हॉटेल व्यावसायिकांना होणार फायदा, वाचा काय घेतला निर्णय?

राज्यातील हॉटेल व्यावसायिक आणि उद्योग क्षेत्रासाठी अत्यंत दिलासादायक बातमी आहे. केंद्र सरकारने व्यावसायिक आणि औद्योगिक (Industrial & Commercial) एलपीजी ग्राहकांवर असलेले सर्व निर्बंध आता पूर्णपणे हटवले आहेत.

पश्चिम आशियातील (West Asia) संकटामुळे गॅस पुरवठ्यावर जे परिणाम झाले होते, ते आता सुधारले असून पुरवठा पूर्वीच्या पातळीवर आणण्यात आला आहे. बल्क एलपीजी (Bulk LPG) पुरवठा वाढवून तो आता थेट ५० टक्क्यांपर्यंत करण्यात आला आहे.

पेट्रोलियम आणि नैसर्गिक वायू मंत्रालयाने (Ministry of Petroleum and Natural Gas) या संदर्भातील अधिकृत माहिती दिली आहे. या निर्णयामुळे हॉटेल मालक, रेस्टॉरंट्स आणि मोठ्या उद्योगांना लागणाऱ्या गॅसचा तुटवडा दूर होईल आणि उद्योग क्षेत्राला खूप मोठी मदत मिळणार आहे.