Gautami Patil Accident: गौतमी पाटीलच्या कार अपघातापूर्वीचा सीसीटीव्ही फुटेज आला समोर|VIDEO

पुण्यातील वडगाव बुद्रुक परिसरात गेल्या मंगळवारी झालेल्या गौतमी पाटीलच्या कार अपघाताचा तपास सुरू आहे. या प्रकरणात आता अपघातापूर्वीचा सीसीटीव्ही फुटेज ‘साम’च्या हाती लागला आहे, ज्यात अनेक महत्त्वाचे तथ्य समोर आले आहेत. फुटेजमध्ये दिसते की, अपघातापूर्वी वाहनातून दोन व्यक्ती खाली उतरत आहेत.

विशेष म्हणजे, चालकाच्या शेजारी आणि पाठीमागे बसलेली व्यक्ती अपघात स्थानापासून आधीच वाहनातून बाहेर पडलेली दिसत आहे. सीसीटीव्हीमध्ये असेही दिसून येत आहे की, भोरकडून मुंबईच्या दिशेने जात असलेल्या गौतमीच्या वाहनाने एका पेट्रोल पंपाजवळ थांबले होते. पेट्रोल पंपापासून काही अंतरावरच हा अपघात घडला. अपघातामध्ये गाडीने एका रिक्षाला धडक दिली, ज्यामुळे रिक्षा चालक जखमी झाला आहे. सध्या पोलिस या प्रकरणात तपास करत आहेत की, गाडीच्या पाठीमागे आणखी कोणी होते का आणि अपघातापूर्वी काय घडले होते, याचा शोध घेण्यात येत आहे.