Special Report: ​महाराष्ट्राचा नवा बुलडोजर बाबा...स्पेशल रिपोर्ट!

Bulldozer Poster Special Report: ठाण्यात ठिकठिकाणी काही पोस्टर लावण्यात आले आहेत. या पोस्टरची जोरदार चर्चा होतेय. मुख्यमंत्री एकनाथ शिंदे यांच्या समर्थनार्थ पोस्टरबाजी करण्यात आली आहे. अनधिकृत पब आणि बारवर कारवाईचा बडगा उगारल्यानंतर ठाण्यात मुख्यमंत्री एकनाथ शिंदे यांच्या कामाचं कौतुक करणारे पोस्टर लावण्यात आले आहेत. ‘महाराष्ट्राचा बुलडोझर बाबा’ असा मजकूर असणारे पोस्टर ठाण्यात चर्चेचा विषय ठरले आहेत.मुख्यमंत्री एकनाथ शिंदे यांनी दिलेल्या निर्देशानंतर पुणे नंतर ठाणे आणि मीरा भाईंदर शहरात अनधिकृत हुक्का पार्लर, पब आणि बारवर कारवाई करण्यात आली. त्यानंतर ठाणे शहरात बॅनरबाजी करण्यात आली आहे. ‘ड्रग माफियांचा कर्दनकाळ, महाराष्ट्राचा बुलडोजर बाबा’ असं या पोस्टरवर म्हणण्यात आलं आहे. जनता आपल्या सोबत अशीच कारवाई करत राहा, अशा आशयाचे बॅनर ठाण्यात लावण्यात आले आहेत. त्यामुळे ठाण्यातील हे पोस्टर राजकीय वर्तुळात चर्चेचा विषय बनले आहेत.