Buldhana News: 'शिवभोजन' केंद्रातील जेवणात आढळल्या अळ्या, पाहा धक्कादायक VIDEO

बुलडाण्यातून शिवभोजन केंद्रातील जेवणाबाबत मोठी बातमी समोर आली आली आहे. शिवभोजन केंद्रातील जेवणात अळ्या आढळून आल्या आहेत. त्यामुळे खळबळ उडाली आहे. खामगाव शहरातील शासकीय रुग्णालयाजवळील शिव भोजन केंद्रातील हा धक्कादायक प्रकार आहे. जेवणात अळ्या आढळल्याचा व्हिडीओ समोर आला असून तो व्हायरल होत आहे.

शिवभोजन केंद्रातील जेवणामध्ये अळ्या आढळल्याचा किळसवाणा आणि धक्कादायक प्रकार बुलडाण्याच्या खामगावमधून समोर आला आहे. उपजिल्हा सामान्य रुग्णालयाच्या परिसरात शिवभोजन केंद्रामध्ये हा संपूर्ण प्रकार उघडकीस आला आहे. नागरिकांनी घेतलेल्या जेवणामध्ये अक्षरशा अळ्यांचा थर दिसून आल्याने शिवभोजन केंद्रामधून दिल्या जाणाऱ्या जेवणाच्या दर्जाबाबत संताप व्यक्त केला जात आहे. अन्न व औषध प्रशासनाने तात्काळ कारवाई करण्याची मागणी नागरिकांकडून केली जात आहे.