मोठी बातमी! दोन्ही राष्ट्रवादी एकत्र निवडणूक लढवणार, २ दिवसांत घोषणा होईल; बड्या नेत्याचा दावा|VIDEO

राष्ट्रवादी काँग्रेस पार्टीचे अजित पवार गटाचे माजी महापौर दत्ता धनकवडे यांनी मोठा दावा करत येत्या दोन दिवसांत दोन्ही राष्ट्रवादी काँग्रेस पक्ष एकत्र येणार असल्याचे म्हणाले. याबाबत सविस्तर चर्चा झाली असून लवकरच याची अधिकृत घोषणा करण्यात येणार असल्याचेही त्यांनी सांगितले.

दोन्ही गटांच्या एकत्र येण्यावर सकारात्मक चर्चा झाली असून वरिष्ठ पातळीवर सहमती झाल्याचे संकेत धनकवडे यांनी दिले. शहरातील राजकारणात महत्त्वाचा ठरलेला प्रभाग क्रमांक ३८ चा तिढा लवकरच सुटेल असा विश्वासही त्यांनी व्यक्त केला.

यावेळी बोलताना धनकवडे म्हणाले की प्रशांत जगताप हे शहराध्यक्ष आहे तर शरद पवारआणि अजित पवार हे दोघेही राष्ट्रीय अध्यक्ष आहेत. या सर्वांच्या पातळीवर चर्चा पूर्ण झाल्या असून पक्षाच्या भविष्यासाठी एकत्र येणे आवश्यक असल्याची भावना सर्वांमध्ये आहे. तुतारी चिन्ह असले तरी निवडणूक घड्याळ या चिन्हावरच लढवली जाणार आहे. त्यामुळे कार्यकर्त्यांनी संभ्रमात न राहता एकत्रित ताकदीने काम करावे, असे आवाहनही त्यांनी केले.