Sanjay Kelkar News : ठाण्याच्या विकासासाठी लवकरच पुढचं धोरण ठरवणार; संजय केळकरांनी मानले मतदारांचे आभार

ठाणे मतदारसंघामध्ये भाजपाचे संजय केळकर यांनी विधानसभा निवडणुकीत विजय मिळवला आहे. त्यांच्या विरोधात ठाकरे गटाचे राजन विचारे निवडणुकीच्या रिंगणात होते. मनसेकडून अविनाश जाधव यांचं देखील केळकर यांना तगडं आव्हान होतं. मात्र, मतदारांचा कौल केळकरांच्या बाजूने लागला आहे. संजय केळकर हे गेली अनेक वर्ष विधीमंडळात ठाण्याच्या प्रश्नांवर काम करत आहे. यंदा त्यांनी आमदारकीची हॅट्रिक केली आहे. ठाणेकरांनी केळकरांना यांच्या कामाची पोचपावती दिली आहे. त्यांच्या या विजयनंतर त्यांनी सामच्या टीम सोबत संवाद साधला. यावेळी बोलताना केळकर यांनी, 'ठाण्याच्या विकासासाठी लवकरच वरिष्ठांशी चर्चा करून पुढचं धोरण आम्ही ठरवू, असं सांगितलं. सध्या कुटुंबासोबत हा आनंद मी साजरा करत असल्याचं देखील त्यांनी यावेळी बोलताना म्हंटलं. त्यांच्या कुटुंबियांकडून देखील त्यांच्या विजयाबद्दल त्यांचं अभिनंदन यावेळी करण्यात आलं.

Edited By Rakhi Rajput