Vishal Parab : विशाल परब यांच्या गाडीवर हल्ला; पाहा काय आहे प्रकरण | Video

सावंतवाडी मतदारसंघातील भाजपचे बंडखोर उमेदवार विशाल परब यांच्या गाडीवर हल्ला करण्यात आला आहे. मध्यरात्रीच्या सुमारास घरी परतत असताना सावंतवाडी मळगाव स्टेशनजवळ त्यांच्या गाडीवर बांबूने हल्ला करण्यात आला आहे.

सावंतवाडी मतदारसंघातील विशाल परब हे भाजपकडून निवडणूक लढवण्यास इच्छुक होते. मात्र त्यांना उमेदवारी न मिळाल्याने त्यांनी बंडखोरी केली आहे. त्यानंतर काल मध्यरात्रीच्या सुमारास परब हे घरी परतत असताना सावंतवाडी मळगाव स्टेशनजवळ त्यांच्या गाडीवर एका इसमाने बांबूने हल्ला केला. त्यांनंतर हा हल्लेखोर जंगलातून पळून जात असताना ग्रामस्थानी त्याला शिताफीने पकडलं असून पोलीसांच्या तब्यात दिलं आहे. हा हल्लेखोर झारखंडमधील असल्याचं चौकशीतून समोर आलं आहे. हल्ला झाल्यानंतर विशाल परब यांच्या कार्यकर्त्यांनी सावंतवाडी पोलीस ठाण्यात गर्दी केली होती. याबद्दल पोलीसात तक्रार दाखल करण्यात आली असून पोलीस अधिकचा तपास करत आहेत.

Edited By Rakhi Rajput