Hemant Rasane News : प्रत्येक मतदारासाठी मी काम करणार; आमदारकी मिळाल्यावर हेमंत रासनेंची पहिली प्रतिक्रिया | VIDEO

मी काम करणारा कार्यकर्ता आहे. आज आमदार झालो असलो तरी पहिल्यासारखच असेल. मला जनतेने निवडून दिलं आहे. त्यामुळे मी त्यांचंच काम करेन. कसबा मतदारसंघ ऐतिहासिक वारसा असलेला आहे. कसब्यात अजून बरीच कामं करायची आहेत, अशी प्रतिक्रिया आमदार हेमंत रासने यांनी साम टीव्हीच्या प्रतिनिधीशी बोलताना दिली आहे. पुण्यातील बहुचर्चित कसबा विधानसभा मतदारसंघाचे नवनिर्वाचित आमदार हेमंत रासने यांनी सकाळी आपला दिनक्रम आपल्या मित्रांसोबत कट्ट्यावर सुरू केला. मित्रांच्या भेटीगाठी घेत त्यांनी चहाचा आस्वाद घेतला. यावेळी ते बोलत होते.

पुढे बोलताना ते म्हणाले की, कसब्याचा विकास कसा करायचा यासाठी पुढच्या पाच वर्षाचा पूर्ण प्लॅन तयार आहे. आता फक्त त्यावर अंमलबजावणी करायची आहे. मी अधिकारापेक्षा जबाबदारी मानणारा कार्यकर्ता आहे. मला 90 हजार मतं मिळाली आहे. कसब्याच्या आजपर्यंतच्या इतिहासात पहिल्यांदाच कोणाला एवढी मतं पडली आहेत. त्यामुळे कसब्याच्या जनतेने माझ्यावर टाकलेली जबाबदारी मी निश्चित पार पडेल. कसब्यातल्या प्रत्येक मतदारासाठी मी काम करणार आहे, असं देखील रासने यांनी सांगितलं.

Edited By Rakhi Rajput