BJP News Mumbai : नवी मुंबईतून भाजपला धक्का; संदीप नाईक उद्या तुतारी हाती घेणार

भाजपचे जेष्ठ नेते गणेश नाईक यांचे पुत्र संदीप नाईक हे उद्या शरद पवार यांच्या गटात प्रवेश करणार असून तुतारी हाती घेणार आहेत. याबद्दल काही दिवसांपासून चर्चा सुरू होती. मात्र आता ते उद्या शरद पवार गटात जाणार असल्याचं निश्चित झालं आहे. गणेश नाईक यांना बेलापुर मतदारसंघ हवा होता, मात्र मंदा म्हात्रे यांना तेथून उमेदवारी मिळाल्याने आता संदीप नाईक बंडखोरी करणार आहेत.

भाजपचे जेष्ठ नेते गणेश नाईक यांच्या नाराजीमुळे नवी मुंबईतील राजकारण ढवळून निघालं होतं. नाईक कुटुंब याअनुषंगाने शरद पवार यांच्या संपर्कात होतं. काल भाजपने जाहीर केलेल्या यादीत गणेश नाईक यांना उमेदवारी दिली असली तरी त्यांचे पुत्र संदीप नाईक यांना उमेदवारी जाहीर झालेली नाही. त्यांच्याजागी मंदा म्हात्रे यांना बेलापुरमधून तिकीट देण्यात आलं आहे. यामुळे नाराज संदीप नाईक आता तुतारी हाती घेत, बेलापुरमधून शरद पवार गटाकडून निवडणूक लढवणार आहेत. उद्या हा पक्षप्रवेश होणार असून त्यांची उमेदवारी देखील उद्या जाहीर केली जाईल अशी शक्यता आहे.

Edited By Rakhi Rajput