पवारांच्या बालेकिल्ल्यात कोणाची सत्ता? कोण मारणार बाजी? VIDEO

अहिल्यानगर जिल्ह्यातील जामखेड नगरपालिकेत कोण नगराध्यक्ष होणार आणि सत्तेची सूत्रे कुणाच्या हाती जाणार, याकडे सर्वांचे लक्ष लागले आहे. जामखेड नगरपालिकेच्या निवडणुकीत भाजपचे वर्चस्व दिसून येत असून, भाजपकडून प्रांजल चिंतामणिया या संभाव्य नगराध्यक्ष म्हणून पुढे असल्याचे चित्र आहे. विशेष म्हणजे राष्ट्रवादी कॉँग्रेसचे आमदार रोहित पवार यांचा हा मतदारसंघ आहे. जामखेड नगरपालिकेच्या या निवडणुकीत भाजपचे दहा ते पंधरा नगरसेवक निवडून येण्याची दाट शक्यता वर्तवली जात आहे. त्यामुळे नगरपालिकेतील संभाव्य सत्ता भाजपच्या हाती जाणार असल्याचा अंदाज व्यक्त केला जात आहे. या निकालामुळे जामखेडच्या राजकारणात भाजपची पकड अधिक मजबूत होणार असल्याचे संकेत मिळत आहेत.