Nitin Gadkari News : आमदार निवडताना त्याची जात का पाहता?, गडकारींचा परखड सवाल

आरोग्याच्या उपचारासाठी आपण डॉक्टरची जात पाहत नाही, चांगल्या डॉक्टरकडे जातो. मग आमदार निवडताना आपण त्याची जात का पाहतो? असा सवाल केंद्रीय मंत्री नितीन गडकरी यांनी केला आहे. नागपूरच्या उमरेड येथील सभेच्या भाषणात ते बोलत होते.

जिभेचे चोचले पुरवण्यासाठी आपण हॉटेल मालकाची जात पाहत नाही. चांगल्या हॉटेल मध्ये जातो. आरोग्याच्या उपचारासाठी जाताना डॉक्टरची जात आपण बघत नाही, पण आमदार निवडताना आपण त्याची जात कोणतीय हे का बघतो? आमदार निवडताना जात-पात पाहू नका, शहराचा विकास करणारा, गोर - गरीब जनतेचा विकास, अपेक्षा पूर्ण करणारा आमदार पाहिजे. माझ्यापुर्वी नागपुरातून अनेकजण केंद्रात मंत्री झाले, मात्र उमरेडचा विकास झाला नाही. गेल्या 10 वर्षात 10 हजार कोटींची कामे उमरेडमध्ये झाली आहे. त्यामुळे मतदान करताना उमेदवाराची जात बघू नका असं आवाहन नितीन गडकरी यांनी उमरेडचे भाजप उमेदवार सुधीर पारवे यांच्या प्रचारसभेत केलं आहे.

Edited By Rakhi Rajput