VIDEO: वादग्रस्त IAS अधिकारी पूजा खेडकर प्रकरणी मोठी अपडेट, खेडकरांचा जिल्हा प्रशिक्षणाचा कालावधी संपुष्टात

वादग्रस्त IAS अधिकारी पूजा खेडकर यांची पोलीसांकडून चौकशी सुरु आहे. खासगी गाडीवर लाल दिवा लावणे आणि स्वतंत्र केबिनसाठी आग्रह धरल्यामुळे पोलीसांकडून ही चौकशी करण्यात येत आहे. यादरम्यान या प्रकरणात मोठी अपडेट समोर येत आहे. पूजा खेडकर यांचं जिल्हा प्रशिक्षण कार्यक्रम रद्द करण्यात आला आहे. खेडकरांच्या जिल्हा प्रशिक्षणाचा कालावधी संपुष्टात आला आहे. याबाबतचे आदेश महाराष्ट्र शासनाने दिले असून लाल बहादूर शास्त्री प्रशासकीय अकादमीने दिलेल्या निर्देशानुसार ही कारवाई करण्यात येत आहे. पूजा खेडकर यांना २३ जुलै पूर्वी मसूरी येथील अकॅडमीमध्ये पुन्हा हजर राहण्याचे आदेश देण्यात आले आहेत.