Onion News: कांदा उत्पादक शेतकऱ्यांसाठी मोठी बातमी; कांदा चाळींना मिळणारं वैयक्तिक अनुदान बंद!

नाशिक: कांदा उत्पादक शेतकऱ्यांमध्ये मोठी नाराजी पाहायला मिळत आहे. कांदा चाळींना मिळणारं वैयक्तिक अनुदान सरकारने बंद केलं आहे. प्रत्येक शेतकऱ्याला अनुदान देण्याची मागणी केली जात होती. लोकसभेत कांदा प्रश्वावरुन सत्ताधाऱ्यांना चांगलाच फटका बसला होता. आणि आता पुन्हा विधानसभेच्या पार्श्वभूमिवर सरकारच्या या निर्णयामुळे पुन्हा सरकारला धक्का बसण्याची शक्यता वर्तवली जात आहे. कांदा चाळीतील कांदा उत्पादकांना वैयक्तिक रुपात अनुदान दिलं जात होतं,आणि आता हेच अनुदान वैयक्तिक ऐवजी सामूहिक रित्या शेतकरी गटांना दिलं जाणार आहे. त्यामुळे कांदा उत्पादक शेतकऱ्यांमध्ये प्रचंड असंतोष पाहायला मिळत आहे.