Nashik : बिबट्याच्या हल्ल्यातून थोडक्यात बचावली महिला ,पहा थरारक VIDEO

नाशिक जिल्ह्यातील अकोले तालुक्यातील डोंगर गावात अंगाचा थरकाप उडवणारी घटना घडली आहे. शेतात कोंबड्यांचा शिकार करण्यासाठी आलेला बिबट्या थेट घराच्या अंगणात शिरला, आणि त्या क्षणी अंगणात कपडे धुणाऱ्या एका महिलेच्या समोर अचानक उभा ठाकला. बिबट्याला समोर पाहताच घाबरून ही महिला खाली कोसळली. क्षणभरातच गावात भीतीचे वातावरण निर्माण झाले. सुदैवाने या घटनेत कोणतीही जीवितहानी झाली नाही.

बिबट्या काही वेळ अंगणात घुटमळत राहिला आणि नंतर जंगलाच्या दिशेने पसार झाला. संपूर्ण प्रकार सीसीटीव्ही कॅमेऱ्यात कैद झाला असून, या दृश्यांनी स्थानिक नागरिक हादरून गेले आहेत. वन विभागाने घटनास्थळी धाव घेऊन परिसरात गस्त वाढवण्याचा निर्णय घेतला आहे. वाढत्या बिबट्या वस्तीमुळे गावकऱ्यांमध्ये भीतीचं वातावरण पसरलं असून, बिबट्याच्या हालचालींवर लक्ष ठेवण्याचं आणि तातडीने पिंजरा लावण्याचं काम सुरू आहे.