Bhushi Dam Latest Update : लोणावळ्यातील भुशी डॅम ओव्हरफ्लो, पर्यटकांची प्रचंड गर्दी |VIDEO

पर्यटकांचे आकर्षण असणाऱ्या लोणावळ्यातील भुशी धरण हे अखेर मुसळधार पावसामुळे ओव्हरफ्लो झाले आहे. मावळ परिसरात रात्रभर झालेल्या जोरदार पावसामुळे पाण्याची पातळी झपाट्याने वाढली आणि डॅम भरून वाहू लागला.या निसर्गसौंदर्याने नटलेल्या दृश्याची झलक पाहण्यासाठी पर्यटकांनी भुशी डॅमवर मोठ्या प्रमाणावर गर्दी केली आहे. डोंगराळ परिसर, वाहतं पाणी आणि हिरव्यागार निसर्गरम्य वातावरणामुळे पावसाळी पर्यटनासाठी भुशी डॅम हे एक आकर्षण बनलं आहे.पावसात न्हालेलं हे दृश्य पर्यटकांसाठी पर्वणी ठरत असून फोटो आणि व्हिडीओ घेत त्यांच्या आनंदात भर पडत आहे.

मागील ३ दिवस तुफान पाऊस कोसळतोय. गेल्या २४ तासात १४३ मिलमीटर पावसाची नोंद झाली आहे. यंदा आतापर्यंत ७९१ मिलमीटर पाऊस कोसळला आहे. गेल्या वर्षी आजच्या दिवसापर्यंत केवळ ३०३ मिलमीटर पाऊस झाला होता. गेल्या वर्षीच्या तुलनेत ४८८ मिलमीटर अधिकचा पाऊस बरसल्यामुळे यंदा भुशी धरण लवकर ओसंडून वाहू लागले आहे.