Beed News: बीडमध्ये रस्ता पाहणीदरम्यान ट्रक खड्ड्यात कोसळला|VIDEO

बीडच्या वडवणी तालुक्यातील खडकी येथील रस्त्याच्या नूतनीकरणाचे काम सुरू आहे. या ठिकाणी पाहणी करण्यासाठी गेलेल्या अभियंत्यासमोरच एक ट्रक कोसळला. या अपघातातून अभियंत्यासह पाहणी करणारे लोक अगदी थोडक्यात बचावले. याच रस्त्याच्या प्रश्नावर विद्यार्थ्यांनी थेट मुख्यमंत्री ग्रामसडक विभागाचे कार्यालय गाठत पुलाचे काम सुरूअसल्याने त्या ठिकाणी पर्यायी रस्ता करून देण्याची मागणी अभियंत्यांकडे केली होती. त्यानंतर त्यांनी याबाबतची पाहणी मी स्वतः येऊन करतो व संबंधित कंत्राटदाराला सूचना देतो असे म्हटले होते. त्यानंतर ते आज त्या ठिकाणी जाऊन पाहणी करत असताना हा अपघात घडला. आता याची जोरदार चर्चा होऊ लागली आहे.