बारामतीत आज कृषी प्रदर्शनाच्या निमित्ताने शरद पवार आणि अजित पवार एकत्र एका मंचावर आलेले होते. इतकंच नाही तर सुप्रिया सुळे आणि सुनेत्रा पवार या नणंद भावजय देखील एकत्र होत्या. त्यामुळे त्यांच्या एकत्र येण्याने चर्चा सुरू झाल्या आहेत. यावेळी काका - पुतण्याने एकत्र जेवण देखील केलं. या कार्यक्रमानंतर खासदार सुप्रिया सुळे यांनी साम टीव्हीला याबद्दल प्रतिक्रिया दिली.
यावेळी बोलताना सुप्रिया सुळे म्हणाल्या की, मला सोलापूरला निघायचं असल्याने मी जेवायला थांबले नाही. पण जर अजित पवार आणि शरद पवार एकत्र जेवले असतील तर यात फार काही विशेष नाही. कार्यक्रमाला अनेकांना आमंत्रण होतं. त्यामुळे जेवायला सुद्धा बरीच माणसं होती, असं त्यांनी सांगितलं. तर मंचावर सुनेत्रा पवार यांच्याशी काय चर्चा झाली याबद्दल विचारलं असता मी सर्वांशीच बोलते. मला कोणाशीही बोलायला अडचण नसते. आमचं कुटुंब कायम एकत्र आहे. काल आज उद्या नेहेमी आमचं कुटुंब एकत्रच आहे. राजकीय जबाबदऱ्या आणि कुटुंब यात गल्लत कशी करायची? असा उलट सवाल यावेळी सुप्रिया सुळे यांनी केला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.