Anket Jadhav UPSC Success Story | शेतकरीपुत्राने करुन दाखवलं! युपीएससी पास करणाऱ्या अंकेतची स्टोरी भारीये

हिंगोली :

देशभरात यूपीएससी परीक्षेचा निकाल लागला. परीक्षेची तयारी करणाऱ्या अनेक तरुणांचं नशीब फळफळल. अनेकांना या परीक्षेत अपयश आलं. पण, याच निकालामध्ये मराठवाड्यातील दुष्काळी पट्टा म्हणून ओळख असलेल्या हिंगोलीच्या कळमनुरी तालुक्यातील शेतकरी सुपुत्राने बाजी मारली. अंकेत जाधव असं या तरुणाचं नाव, अंकेतने शेतकरी आई वडिलांचे स्वप्न पूर्ण केलंय. अंकेतच्या आई-वडिलांबरोबरच प्राथमिक शाळेतील शिक्षक आजोबांना देखील नातवाने मिळवलेल्या यशाचं मोठं कौतुक वाटत आहे. अंकेत अधिकारी होईल असं कधी स्वप्नातही वाटलं नव्हतं पण त्यानं करून दाखवलं. तो लहानपणापासूनच हुशार आहे असे म्हणत आजोबांनी कौतुक केलं आहे