VIDEO : भाजपचा अंतर्गत कलह चव्हाट्यावर; पाथर्डीच्या कार्यक्रमात राडा

पाथर्डीमध्ये भाजपच्या कार्यक्रमात दोन गटांत जोरदार राडा झाल्याची माहिती समोर आली आहे. इच्छुक उमेदवारांच्या मुलाखती दरम्यान हा प्रकार घडला आहे.

अहमदनगरच्या पाथर्डीत मंगळवारी भाजपची विधानसभेसाठी इच्छुक उमेदवारांची मुलाखत घेण्याचा कार्यक्रम होता. यात खोटे पदाधिकारी दाखवून मत नोंदणी करण्याचा प्रयत्न करण्यात आल्याने दोन गटात तूफान राडा झालेला दिसून आला. आमदार मोनिका राजळे यांचा पक्षपाती पदाधिकारी असल्याचा आरोप करत खोटे मत नोंदवण्याचा प्रयत्न सुरू असल्याचं उघड झाल्याने उपस्थितात संताप व्यक्त करण्यात आला. या नंतर दोन्ही गटात वाद झाला. या वादच रूपांतर राड्यात झाल्याने कार्यक्रमात काही काळ तणाव निर्माण झाला होता. मात्र यामुळे भाजपचा अंतर्गत कलह मात्र चव्हाट्यावर आला आहे.