Amravati Breaking : हत्यांच्या घटनांनी अमरावती शहर हादरलं

अमरावती शहर हत्यांच्या घटनांनी हादरलं आहे. गेल्या 10 दिवसात 7 जणांच्या हत्या अमरावतीत झाल्या आहेत. या घटनांनंतर आता अमरावतीतील नागरिक संतप्त झाले असून सिटी कोतवाली पोलिस ठाण्याबाहेर नागरिकांनी आंदोलन सुरू केलं आहे. शेकडोच्या संख्येने याठिकाणी नागरिक जमलेले बघायला मिळत आहेत.

काल रात्री अमरावतीच्या चित्रा चौकात गोलू उसरेटे या युवकाची हत्या झाली आहे. गेल्या 10 दिवसंतील हे सातवे प्रकरण आहे. त्यामले कायदा सुव्यवस्थेवर प्रश्नचिन्ह उपस्थित होत आहे. या हत्येनंतर मृत तरुणाच्या नातेवाईकांनी आक्रमक पवित्रा घेतला असून शेकडो नागरिक सिटी कोतवाली पोलीस ठाण्यावर जमले आहेत. हत्या करणाऱ्या आरोपींना अटक केल्याशिवाय मृतदेह स्वीकारनार नाही अशी भूमिका यावेळी नागरिकांकडून घेण्यात आली आहे. दरम्यान, या घटनेनंतर रवी राणा देखील आक्रमक झाले असून अमरावती शहरातील तडीपार गुंडांना पोलिसांनी अटक करण्याची मागणी त्यांनी केली आहे.