Amol Kolhe News | अमोल कोल्हेंच्या सत्कार सोहळ्यात गोंधळ

महाविकास आघाडीत मंचरमध्ये बिघाडी झालेली पाहायला मिळाली. शिरुर लोकसभेत विजयी झाल्यानंतर अमोल कोल्हेंच्या सत्कार समारंभाचे आयोजन करण्यात आले होते. मात्र, या कार्यक्रमात ठाकरे गटाच्या शिवसैनिकांनी राडा केलाय. अमोल कोल्हे यांनी त्यांच्या भाषणात राष्ट्रवादीच्या देवदत्त निकम यांचा भावी आमदार म्हणून उल्लेख केला. त्यामुळे ठाकरे गटाच्या कार्यकर्त्यांनी सभेतून काढता पाय घेतला. यावेळी कोल्हे आणि कार्यकर्त्यांमध्ये शाब्दिक चकमकही झाली.