Amboli Waterfall VIDEO : डोळ्यांचं पारणं फेडणारं आंबोली घाटातल्या धबधब्याचं विहंगम दृश्य; हा व्हिडिओ नाही पाहिला मग काय बघितलं!

विनायक वंजारे, सिंधुदुर्ग

कोकणातील आंबोली घाटातील मुख्य धबधबा म्हणजे पावसाळ्यात पर्यटकांसाठी जणू पर्वणीच. हा धबधबा कधी प्रवाहीत होतो आणि आम्ही कधी या धबधब्यावर वर्षासहलीचा आनंद घेतो याची वाट पर्यटक चातकासारखी पाहत असतात. कोकणात काल मुसळधार पाऊस कोसळला आणि धबधबा प्रवाहीत झाला आणि आपसुकच पर्यटकांची पावलं या धबधब्याकडे वळली. मुख्य धबधब्यासह बाजूलाच असलेले छोटे-मोठे धबधबे आता पूर्ण क्षमतेनं वाहू लागलेत. त्यामुळं वर्षासहलीसाठी पर्यटक मोठ्या संख्येनं गर्दी करू लागले आहेत. या घाटातून प्रवास करणारे वाहनचालक आणि कोकणात जाणारे प्रवासी या धबधब्यावर थांबून वर्षासहलीचा आनंद घेत आहेत.