Akkalkot News : अक्कलकोटला समर्थांच्या दर्शनासाठी लाखों भाविक दाखल; सुट्ट्यांमुळे झाली गर्दी

सलग सुट्ट्या आल्यामुळे अक्कलकोट येथे श्री स्वामी समर्थांच्या दर्शनासाठी भक्तांची मोठी गर्दी झालेली बघायला मिळत आहे. स्वामींचा दर्शनासाठी शनिवारी आणि रविवारी सिंह चौकापर्यंत दर्शन रांग लागली होती. श्री स्वामी समर्थ महाराज की जय या जयघोषाने मंदिर परिसर दणाणला आहे. नाताळ सुट्टीमुळे देखील भाविकांच्या संख्येत मोठी वाढ होण्याची शक्यता मंदिर प्रशासनाने वर्तवली आहे. स्वामी भक्तांची संख्या वाढल्याने देवस्थानचे अन्नछत्राचे भक्तनिवास देखील फुल्ल झाले आहे. श्री स्वामी समर्थ मंदिरा सोबतच शहरातील समाधी मठातही भक्तांची मोठी गर्दी बघायला मिळत आहे. महाराष्ट्र कर्नाटक गोवा अशा सर्व राज्यातून भाविक स्वामी समर्थांच्या दर्शनासाठी अक्कलकोटला दाखल झालेले आहेत. या पार्श्वभूमीवर पोलिसांकडून देखील बंदोबस्त तैनात करण्यात आला आहे.