Ajit Pawar Video : पोटात गोळा आला, फडणवीस निवांत होते; अजित पवारांनी सांगितला भरकटलेल्या हेलिकॉप्टरचा किस्सा

गडचिरोली : नागपूरहून गडचिरोलीला जाताना उपमुख्यमंत्री देवेंद्र फडणवीस आणि अजित पवार यांचं हेलिकॉप्टर भरकटल्याची घटना घडली. गडचिरोलीतील प्रकल्प भूमिपूजनासाठी जाताना ही घटना घडली. सुदैवाने हेलिकॉप्टरमधील सर्व जण बचावले. अजित पवारांनी हेलिकॉप्टर भरकटण्याचा किस्सा सांगितला.

उपमुख्यमंत्री अजित पवार यांनी गडचिरोलीत भाषणात किस्सा सांगितला. गडचिरोलीतील हवामानाचा संदर्भ देत अजित पवार यांनी हेलिकॉप्टरमध्ये चहुकडे ढग दिसत असल्याने काळजी व्यक्त केली. मात्र देवेंद्र फडणवीस निश्चिंत बसले असल्याचे म्हटले. त्यावर देवेंद्र फडणवीस यांनी उत्तर देताना मी सहा वेळा अपघातातून वाचलो आहे. आपण सुखरूप जाऊ, काळजी करू नका, असे गंमतीने म्हटले.