चाकरमानी' नव्हे तर 'कोकणवासीय'! संबोधनात लवकर बदल, Ajit Pawar यांचे निर्देश

कोकणातून मुंबईसह अन्य शहरांत स्थलांतरित झालेल्या नागरिकांना वर्षानुवर्षे 'चाकरमानी' संबोधले जात होते. मात्र हा शब्द अवमानकारक असल्याने तो हटवून त्याऐवजी 'कोकणवासीय' असा शब्द वापरा, असे स्पष्ट निर्देश उपमुख्यमंत्री अजित पवार यांनी प्रशासनाला दिले आहेत. लवकरच या विषयीचे परिपत्रक काढण्यात येणार आहे. चाकरमानी हा शब्द 'चाकर' म्हणजे सेवक आणि 'मानी' म्हणजे मानणारा यांच्या संयोगातून तयार झाला आहे. यालाच कोकणवासीयांच्या काही संघटनांनी आक्षेप घेतला होता. अजित पवार यांच्याकडून हा शब्द हटवण्यास सकारात्मक प्रतिसाद मिळाला आहे. अजित पवार यांनी चारमानी हा शब्द हटवण्यास सांगितले असून त्याऐवजी कोकणवासीय असा वापर करण्यास सांगितले आहे.