Ajit Pawar : अजित पवार फडणवीस सरकारमधून बाहेर पडणार होते, दिग्गज नेत्याचा खळबळ उडवणारा दावा

Ambadas Danve on Ajit Pawar resignation rumours : गेल्या आठवड्यात पार्थ पवार यांच्यावर गंभीर आरोप करण्यात आला होता. त्यावेळी अजित पवार पुन्हा एकदा मोठा राजकीय निर्णय घेण्याच्या तयारी होते. अजित पवार यांनी सरकारमधून बाहेर पडण्याचा निर्णय घेतला होता, त्यामुळेच सरकारने कोणतीही कारवाई केली नाही, असा खळबळ उडवणारा दावा ठाकरे गटाचे नेते अंबादास दानवे यांनी केला आहे.

शिवसेनेचे (ठाकरे गट) नेते आणि विधान परिषदेचे विरोधी पक्षनेते अंबादास दानवे यांनी एक मोठा राजकीय दावा केला आहे. ते म्हणाले की, 'माझ्या माहितीप्रमाणे त्या दिवशी वर्षावर ज्या बैठका झाल्या. अजितदादांनी रागाने, सरकारमधून बाहेर पडून सरकारला पाठिंबा देतो इथपर्यंतची भूमिका घेतल्याचं माझ्या कानावर आले आहे.

 या सर्व घडामोडींमुळेच अजित पवार आणि पार्थ पवार यांना वाचवले जात आहे, असेही संकेत दानवे यांनी आपल्या वक्तव्यातून दिले आहेत. या दाव्यामुळे राज्यातील राजकीय वर्तुळात विविध चर्चांना उधाण आले आहे.