NCP News : अजितदादांचा बंडखोर नेत्यांना दणका, विदर्भातील २ जणांचं निलंबन

Ajit Pawar NCP News : विधानसभा निवडणुकीत महायुतीला मोठं यश मिळाले. पण याच निवडणुकीत पक्ष विरोधी कारवाई केल्याचा ठपका ठेवत अजित पवार यांनी विदर्भातील दोन नेत्यांचे निलंबन केलेय. आभा पांडे आणि कृष्णा खोपडे यांचं पक्षातून निलंबन केलेय. तिकीट न मिळाल्यानंतर या दोन नेत्यांनी अपक्ष अर्ज दाखल केला होता.

महायुती उमेदवाराच्या विरोधात पूर्व नागपुरातून निवडणूक लढल्याने अजित पवार गटाचा आभा पांडे यांची राष्ट्रवादी अजित पवार गटातून निलंबित करण्यात आलेय. पूर्व नागपूरमधील भाजपचे उमेदवार कृष्णा खोपडे यांच्या विरोधात आभा पांडे अपक्ष निवडणूक लढल्या होत्या. आभा पांडे पक्षाच्या सरचिटणीस तर राज्य महिला आयोगाच्या सदस्य होत्या.

त्याशिवाय उत्तर नागपूर मतदारसंघातून रमेश फुले यांनी देखील महायुतीच्या उमेदवार विरोधात निवडणूक लढल्याने पक्षविरोधी कारवाई केल्याचा ठपका ठेवत पक्षातून निलंबित करण्यात आले आहे.