Ladki Bahin : 'लाडकी बहीण'ची जाहिरात; राष्ट्रवादीवर शिवसेना नाराज, काय खटकलं? VIDEO

महाराष्ट्रातील मुख्यमंत्री माझी लाडकी बहीण योजनेची जाहिरात राष्ट्रवादी काँग्रेसने केली आहे. या जाहिरातीतील मजकुरात मुख्यमंत्री हा शब्द नसल्यानं सहकारी पक्ष शिवसेनेने उघडपणे नाराजी व्यक्त केली आहे. केंद्रातील अनेक योजना या पंतप्रधानांच्या नावानं आहेत. तसेच राज्यातीलही योजना मुख्यमंत्र्यांच्या नावानं सुरू आहे. मात्र, आमच्या घटकपक्षाने प्रचार करताना मुख्यमंत्री हा शब्द वगळला. एक शब्द काय जड झाला होता का? असा सवाल करतानाच, शंभुराज देसाई यांनी उघडपणे नाराजी व्यक्त केली.

आम्ही योग्य ते पालन करतो. आमच्या सर्व कार्यक्रमांत आम्ही सर्व नेत्यांचे फोटो टाकतो. मात्र राष्ट्रवादी पक्षाकडून तसं झालं नाही. असा दुजाभाव आम्ही केला नाही आणि करणारही नाही. मात्र, घटकपक्षांनी असं करू नये, असा सल्लाही त्यांनी दिला. अजित पवार यांच्याशी यावर बोलणं झालं नाही. पण त्यांची भेट घेऊन नक्कीच याबाबत चर्चा करू, असंही ते म्हणाले.