Political News : ''आमचं बरंचसं ठरलंय''; 'त्या' मागणीवर अजितदादांचे स्पष्टीकरण

''राज्यात बिहार पॅटर्न राबवा आणि मला मुख्यमंत्रिपद द्या'', अशी मागणी उपमुख्यमंत्री अजित पवार यांनी अमित शहा यांच्याकडे केल्याच्या चर्चा सुरू असतानाच उपमुख्यमंत्री अजित पवार यांनी यासंदर्भात मोठा खुलासा केला आहे. मंगळवारी पत्रकारांशी बोलतांना त्यांनी अमित शहा यांच्यासोबत झालेल्या बैठकीबाबत माहीती दिली.

रविवारी मुंबई विमानतळावर महायुतीमधील महत्वाचे नेते आणि अमित शहांमध्ये महत्वाची बैठक पार पडली. या बैठकीत अजित दादांनी केलेल्या मागणीची सर्वत्र चर्चा आहे. त्यावर स्पष्टीकर देताना अजित पवार यांनी, ''आम्ही राज्यातील विविध प्रश्नांवर चर्चा केली. अमित शहा ही गणपतीच्या दर्शनाला आले होते. सध्या आमचे लक्ष ही महायुतीच्या सरकारने सुरू केलेल्या योजना राज्यातील जनतेपर्यंत पोहोचवणे याकडे आहे. विधानसभा निवडणुकांच्या बाबतीत आमच ठरलेलं आहे, वेळ आली की तुम्हाला सांगू'' असं म्हणत अजितदादांनी मुख्यमंत्रीपदाची मागणी मी केली नसल्याचं म्हंटल आहे. अशी कोणतीही मागणी मी केली नाही, या सगळ्या भुलथापा असल्याचंही अजित पवार म्हणाले.