IPS Transfers: ऐन महापालिका निवडणुकीत IPS अधिकाऱ्यांच्या बदल्या, मुंबईसह पुण्यात मोठा प्रशासकीय बदल|VIDEO

राज्यात आगामी महापालिका निवडणुकांचे बिगुल वाजण्याआधीच प्रशासकीय स्तरावर हालचालींना वेग आला आहे. निवडणूक प्रक्रियेशी थेट संबंध येणाऱ्या आणि एकाच पदावर तीन वर्षांहून अधिक काळ कार्यरत असलेल्या IPS अधिकाऱ्यांच्या तातडीने बदल्या करण्याचे आदेश निवडणूक आयोगाने दिले आहेत.

या आदेशांनुसार मुंबई, नवी मुंबई आणि पिंपरी-चिंचवडमधील काही वरिष्ठ पोलीस अधिकाऱ्यांचा बदली यादीत समावेश होण्याची शक्यता आहे. निष्पक्ष आणि पारदर्शक निवडणूक प्रक्रिया राबवण्यासाठी हा निर्णय महत्त्वाचा मानला जात आहे.

सूत्रांच्या माहितीनुसार, येत्या दोन दिवसांत गृह विभाग या बदल्यांबाबत अंतिम निर्णय घेण्याची शक्यता असून त्यानंतर अधिकृत बदली आदेश जाहीर होऊ शकतात. महापालिका निवडणुकांच्या पार्श्वभूमीवर ही प्रशासकीय हालचाल राजकीय वर्तुळातही चर्चेचा विषय ठरत आहे.